PAPUA IYO PINI BAGE KA UGATA IBO KIDIPA KABO NIYA DUWA MAKAI UWOYE MAKIYE MAIDA MAKE

Agustinus Muyapa, ya ugapi. Yokomotipi ki ; Agus G. Mote – MMG)*

Papua maki Komuga yawi Papua bage Nikomuga yawi titaida make ito kou wagida kouya to ini Papua bage umi tou ko :

1 . Yape ma to umi tou.

2. Tika make ito kouya wagida kouya to yape ka mee nige-nige tete

Iyo woya bage ka, Papua bage MEE bokai ma to umi tou.

3. Papua ka Iyo Pini bage kodo maiya Iyo woya bage ka Gane Bado

kiyake ini Papua bage Kodo nigete to topai ito kou wagida kou

maiya.

4. Ito wagida kou maiya Iyo woya bage ma Papua ka Iyo Pini bage ma

enaimo tiya wiyake ini Papua ka Iyo Pini bageiya nigi maki yake

Papua maki kou Iyo woya bage okei maki niya yinine keitete.

5. Iyo woya bage ma , Iyo woya ka gane bado Papua ka Iyo Pini bage

ma enaimo tiyake, Papua bage ka a'giyo wege tagiyo wege, mee ka

umi tou tetaida owa bodiya, geita bo bowa bodiya, kou duba

ka umi tou tetai ebeyogo agiyoudo bodiya, bago-bagoudo bodiya,

bago duba ka totai agiyoudo ebeyogo, ebeyogo beu bodiya, miniya

agiyo wege weiya agiyo wege,

Ini Papua bage ka umi tou duba ko :

- yege ma to umi tou

- naidi ma to umi tou

- Gaga ma to umi tou

- didi ma to umi tou

- Iyo woya bage ka wege wudu duba to umi tou.

-kopa mana yape dubaiga to umi tou

- ido didi mito didi dubaiga to umi tou.

- kaga ma udo kogouto ma dubaiga to umi tou.

- Peu-peu dubaiga to umi tou.

- Papua ka Iyo Pini bageiya Kodo Iyo woya ka naiya agiyo newete.

Ini Papua Iyo Pini bageiya ka umi tou ko e peu te peu dubaiga to umi tou, enaka umi tou ko ena ma beu, okai kou maida make ko;

Ediga mana ko; Initai Ugata Ibo wae.....ini aki yokane Papua ka Iyo bageiya ka akepa kadimai mana ko; Papua ka Iyo Pini bageiya kouko utoma Iyo woya bage ka wagi makiyake ko Papua maki kouko Iyo woya bage ka ganeida yawita mana kodo Initai Ugata Ibo aki kida gata dimi daiga yatogiyawita mana ewa kipa ko okai kou Kodo dani Iyo woya bagepa yakei tiyawi kadimege.

wiyago ka mana ko; Initai Ugata Ibo wae...Papua maki kou maiya dana ini Papua ka Iyo Pini bageiya kou maiya Initai Ugata Ibo aki kida Nikomugayawita Kodo koyoka, ini Papua bagepa maiya ena ka umi tou mana kodo Initai Ugata Ibo aki kida gata dimi daiga niya togiyawita mana ewa kipa ko, okai Kodo dani peka ka dou daiga Ega Kodo niya keiti yawi kadimege, ini aki yokane Papua bage maiya ena ka umi tou daiga umi tou taine Kodo. ini aki yokane Papua ka Iyo Pini bage ka iniyaka dimi puki kegepa puki koda Initai Ugata Ibo akepa to kadimege.

Widago ka mana ko ;Initai Ugata Ibo wae .....ini aki yokane Papua bage ka umi tou kouko e peu te peu Iyo woya bage ka gane duba make umi tou tete koyoka Initai Ugata Ibo akiya e bida te bida bokouto koda nipipika yawi kadimege Iyo woya bage ka Gane duba kouya make..

Wuiyago ka mana ko; Initai Ugata Ibo wae.....ini aki yokane Papua ka Iyo Pini bageiya yame, yagumo, Ibo,yoka, tonawi bage,daba bage,epi bage ewo bage,Ayi mana wegatai bage, Ayi mana yuwi teyuwi tetai bage, ogai maiya petani bage maiya, Papua pikai mana wegatai bage, tewegatai ini utoma Kodo Initai Ugata Ibo aki yumapa e peu te peu bage koyoka Initai Ugata Ibo akiya ipa bokouto koda ipa niyaikai kadimege, ipa niga yake akiya ayitai uwo koda niwitogi yawi, dana iniwaibo Yesus Kristus akiya yimu beu emouwo, ini Peu bage maida make piya boko maida niya tumita emouwo koda niwitogi makai tiyake yimu beu newi iya bage bokata bage ini utoma, Initai Ugata Ibo aki yimu beu kidi danite, Papua ka bageiya maiya dana uwoye makiye ka e bageiya te bageiya ini utoma, kouko tegee kipi maiya, e'niya te niyaido, kego yago bage maiya tuba kego yago bage maiya, ini utoma Kodo, iniyaka ma...kagai dimi Kodo Initai Ugata Ibo akepa to nitiyawi, kouda make ko ini utoma Kodo rohani yato maiya peka niya kadi yawi, pito niya taki yawi dana akiya yimu beu bokouto roh Kodo nimi yawi iya bagepa bokata bagepa tiyake yimu beu bokouto roh koda migagu niya makiyake yimu beu daiga, Initai Ugata Ibo akiya putu nagouda, akiya bidaidaiga mee niyaki makai tageida koda ini utoma ayitai imo togo Kodo nimi yawe tiyake kadimege.

Mumai yago ka mana ko : INITAI UGATA IBO WAE.....

EPA TOTA-TOTA, EPA MAIDA KA AGIYOUDO TOTA-TOTA, MAKI TOTA-TOTA, MAKI MAIDA KA AGIYOUDO TOTA-TOTA, EBEYO YAGO TOTA-TOTA, EBEYOGO BEU TOTA-TOTA, UWOYE MAKIYE KA BOKATA BAGEIYA ENIGOYA WIYAKE IYA EWI YAKE , IYA BAGE BOKATA BAGE ENAIMO NITIYA WIYAKE AYITAI IMO TO TOGO NITI YAWE TIYAKE INITAI UGATA IBO INI AKI YOKANE PAPUA BAGE KA KABO NIYA DUWA MAKE TIYAKE KADIMEGE.

#mee, #meeuwo, #meeuwodide, #Meemanagimo, #Meemana, #Patatikamana