.png)
Nason Pigai, ya Ugapi, Wegapi Ki : Wens Tebai)
Mee tuma kouko Tikai make itoto ko makiya agiyo ewaa:
1. Koteka, Mogee
2. Migabai, Yato
3. Keege ego, Wotii
4. Benapa, Amapa
5. Kagane, Bebane
6. Koteka Piti
MEE MAH MAIDA KA MAKIYA AGIYOUDO
A. YAME KA MAKIYA AGIYO
Iniyaa maa maida makiyaido kouko diyo douya manaa (dou gai manaa) maa togiyawita. Migabai maki maiya, Kege ego maki maiya, Kagane maki maiya, Amapa maki maiya, Woti maki maiya, Koteka maki maiya, mogee maki maiya, Koteka piti maki maiya.
GAAMAKAI
- Peu diimi koo wado tegai. Migabai kouya miyo dapu atii peu dimi yaa koo. Enaa dimi too wadogai.
- Peu manaa tewegai. Puya manaa tewegai. Peu manaa, puya manaa wegape koo, ogouda kuga kego gope egoo yago yina gokita kaa... egoo gaku katito.
1. KAGANE MAKI
Mee wagi gane maa, omaa moti gane maa, kagane kouya yamo tagi atii. Ekowai gane too awi, wudi ganee too awii.
2. ENAAPA MAKI
Boko motine kaiya kouko... benapa kouya amoo tagii atii. Boko temoti.
3. WOTI MAKI
Woti gokeige kouko emo kegepa tekai, wakiyo kegepa awi notee. Woti wakiya danite.
4. KOTEKA MAKI
Tii koteka makeige kouko dimi pinii teawi. Igaa diimi, bokaa diimi tegai...diimi woyakai notee.
7. KOTEKA PITI MAKI
Koteka pitii makeige kouko... ini epo kii bida-bida, waawe tiyaa tiyakee.
B. YAGAMO KA MAKIYA AGIYO
Mogee maa, agiya maa, yatoo maa koo bebi kaa keitiyaa. Agiya maa, yatoo maa yooko bebi kaa keitainaa enaa. Mogee kaa mogee kodoko gai bebi kaa toogiyawitaa meibo kaa koo.
Bebi kaa keitai noo meiboo kaa togiyawita kouko manaa bokooyato ko, daa tinee, mee puduu, meeiyoo puduu kou touto, totitano tiyake. Meeiyo epaa badeniya kaa Gai teteida kaa. Utopaa tetai teteida kaa. Mogee keitai koo gai bebii kaa toono kouko.
MAKIYA AGIYO INO KO
1. Tune,
2. Waiyo,
3. Wabuu,
4. Kidu,
5. Gapa mito,
6. Yuma mito,
7. Ogi, dinai,
8. Titi patai makii patai
mana kouko epi aweteidaiga ugamakipai mana, Koudanite wegamakai pitokimakai mana ko ewa
Yokomotipi ki : Agus G. Mote, - MMG (Mee Mana Gimo), PBSM)*
#mee. #Meemana #Meemanagimo, #Meeuwo. #Meeuwodide. #Meetuma #Patatikamana
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
0 Komentar