.png)
KATOLIK BAGE KA “AYII MANA BOKO” PETATAI OWA WAKEITEI TIGI DOKOUDA 1950 YUWOUDA MIGITA OWAA KODO ITO NA KEBAIBEU TOPA, ITO KO 77 YUWO UMEEGA.
Katolik bage ka “ayii mana boko” petatai owa wakeitei tigi dokouda 1950 yuwouda migita owaa kodo ko ito na kebaibeu topa. Kouko tikai 1949 yuwouda kouya belanda dege bage ekaki misionaris, Leo Boeresma, OFM wakeitei potimakiida kouya dakii timakiyake tuwa owaa migita, wegadoki mana ko ewa. Okei umii owaa tiga migikume tita, kouda make misionaris belanda make nemouga na meidana meta ekaki, Pater Cleophas Ruigrok, OFM meta ki 1953 yuwouda kouya meyake ki ayii mana wegai owaa migita ekako Gereja. migita kodo ko 1950 yuwouda kouya migita. Migikumiyake ko eka ko; Santo Yohanes Pemandi, ebatikumita. Ayii mana wegai ibo owa migita kodoko ito 2026 yuwouda na kebai ko beu topa.
Koudani manaido kouko pitokiyake ko ugamakai gaatou teetita note, epi aweeteidaiga ugape.
Gereja Katolik Paroki Santo Yohanes Pemandi Waghete; 1949 – 2026 ; 77 tahun
Mee Mana Gimo ma GKSM : Agus G. Mote ya Ugapi.
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
.png)
0 Komentar