YUWII KO PEU MANA MUTOUDO KODO, MIGAKOBE MAIDA MAKE

 

Agustinus Muyapa, ya Ugapi, Yoko motipi ki, Agus G. Mote – MMG (Mee Mana Gimo)

MEE PEUKAI KO PEU MAIDA MAKE EPIKAI MANA

Mee peukai ko Peu maida epikai mana ko :

1.. Gerejapa ka patung mee ganeka komugata agiyo makiyake topai kouko, patung Yesus ebiyabiya, Patung Maria ebiyabiya, patung nabi-nabi ebiyabiya, patung salib. Yesus, dana inoka patung do kou maiya temakiyake yamoyaikai.

2. Kou mee ganeka komugata agiyo kouko bida agiyo buka ko tetiyawi.

3. Patung makita ka gereja owapa koda wouyo kiyake Ayi mana wegatai MEE ka Ayi mana wegai dana yuwetai bage maiya yuwi tetipai ko Ugatame migakobe etai ko beu tegee kidi miga Kobe etete.

4. Patung mee ganeka komugata agiyo owa gakita makiyake topai kouko utoma yamo yakai., kouko Ugatame ma Yesus ma ko beuka

5. Mee ka ganeka komugata agiyo Kodo mee maida makiyake, kagu. kopa dokiyake tete bida agiyo buka teteidaka kou utoma yamo yaikai,

6. Komuni kouko mee ka wegai ayitai roti wegaigai, kou naitai bage Ko ayitai imoto Togo taitai, kodeya kou komuni kouko ayitai roti ko beu, ayitai roti kouko Ayi mana tota mana kou dou, ebatai tiyake ena ma Peu witokai epi kiyake umi tou titouyogo ko, kouko Ayi tai. roti note koyoka ayitai imo to Togo Kodo ini gomutiya

7. E Peu te Peu nako inepa metouyogo ko, makidapa Ugatameya Komuga yawita agiyoudo kouko bida agiyo buka ko teti yawiyake. Kou agiyo kouko migakobe tetiyake Yesus gawaida initai Ugat Ibo kidipa sembahyang to nedimai, ini yaka Ugata Ibo kidi to migakobe etai kouko Peu agiyo daba yaikai piyaimo

ani ko ugata ibo kida nakomugayawita gaipigai bage ko patung mee ganeka komugata agiyo kouko migakobe tetai, initai ugata ibo kidi to migakobe netai beukai peu. kou dani tiyake mee idana patung mee ganeka komuga agiyo kodo ugata ibo kidi buka tiyawetipi ko ani boyaida uwita dimi kodo ito kou maiya epi tou .

iniyaka ugata ibo kike e bida te bokouto, ayi bokouto, makodo bokouto dana iya bokouto yogo ibo kiyoka

#mee, #MeeMana, #MeeManaGimo, #meeuwo  #meeuwodide, #patatikamana