UMIITOU DOBA UGATAME MA ENAIMO TINO

Agustinus Muyapa, ya Ugapi

Ki makida kiya aniya imam mee idana ma tou beu, aniya imam ko Ugata Ibo yokaibo Yesus Kristus okaito aniya imam ko, kouko :

1. Ani peu mee ki maida make peu

mee dani buka tiyake piya boko

maida nabokata kouya.

2. Aniya peu maida make Yesus ya

yimu beu emouwo kodo piya boko

maida natumiyawike aniya peudo

kodo nawitogiyawita kouya.

3. Epa wado ka Ugata Ibo yokaibo

kidiya makida kiya daba mee dani

buka peu mee dani buka taine

kodo ki e peu te peu makida kiya

okaiya maa yato kodo aniya peu

maida koda nakegayawine tiyake

ki makida kiya miyo meta kouya.

4. Ugata Ibo ya ayi nitiyawine

manaido kodo epepite nitopaima

dana ayitai ita kodo epepite

nimuwakaine tiyake meta kouya.

5. Yesus ki ayitai ita ,damo, koto

okapa to kouya.

6. Didi ga, naidi ga, peu meiya ga,

gaga ga Yesus okai kida nadadetai

kouya

7. Yape manaa nako meita nago ko

Yesus okai kidi woo edoune kouya

8. Yesus kike aniya iya boukouto, ayi

bokouto, makodo bokouto dana

bida bokouto kouya.

9. Aniki Ugata Ibo yokaibo Yesus

Kristus kidi ma Kitouyogo to aniki

ayi natiyawiya kouya. Idima utoma

takaida Ugata Ibo yokaibo Yesus

Kristus okai kidi to woo edoune

kouya.

Okai kou dani kou maida make ko, ki makida kiya aniya imam meidana naki touma beu, aniya dimi puki ka imam aniya kegepa puki imam ki Aniya Naitai Ugata Ibo yokaibo YESUS KRISTUS okai kidi to. Yoko Motipi ki; Agus G. Mote