UGATA IBO YA BIDA BOKOUTO KODA TEEGE MA TEEGE KA GANE BADO KA BIDA AGIYO DABA YAYAIKAI MANA KODO

 

UGATA IBO YA BIDA BOKOUTO KODA TEEGE MA TEEGE KA GANE BADO KA BIDA AGIYO DABA YAYAIKAI MANA KODO.

Agustinus Muyapa ya ugapi, yokomotipai ko; Mee Mana Gimo – MMG – PBSM

Peu bage ka miga Kobe etete tegee kidiki, okai bida a"giyo kodoko, Ugata Iboya bida bokouto koda tagi papa Yatiya wiyake maki maida ka maki puge dani dana bodiyaida gako puge dani Yati yawegi. Dana tegee ka gane bado ka padauka maiya uka mapeada maiya Ugata Iboya yatuwa yamo yatiyake dugi kopa dani patudu bada dani yati yawegi, dana kego yago bage ka bida a"giyo maiya tuba kego yago bage ka bida a"giyo Kodo maiya Ugata Iboya bida bokouto koda daba pigu yati yawiyake tuwara yika tuwa tuwata mowai dani Yati yawiyake tumana agiyo ma tekeitimake dani yati yawegi, kouko Ugata Ibo okaiya bida bokouto Kodo kou uwoye makiye kouya ewaida awiyake ena bage Peu bage ini utoma iniyaka peka koda doti tiyake.

Uwoye makiye ka e bage te bage ini utoma epikai mana ko : iniyaka Ugata Ibo kike e bida te bida bokouto, Ayi bokouto, makado bokouto dana iya bokouto yago Ibo kiya

Initai Ugata Iboya bida bokouto koda ko : epa Komuga yawi epa maida ka agiyoudo Komuga yawi, maki Komuga yawi maki Komuga yawi maki wadouto maki miyouuto ka agiyoudo Komuga yawi, ebeyo yago beu Komuga yawi, ini uwoye makiye ka iya bage bokata bage niko muga yawi dana tegee ma tegee ke gane bado ka bida agiyoudo maiya utoma daba pigu niya tiyawi kouya.

Okai kou maida make ko uwoye makiye ka e bage te bage ini utoma iniyaka Ugata Ibo e bida te bokouto yago Ibo okai kidi to miga Kobe netai, ini Ugata Ibo kidi wouto wakoutouga mee idana kipi maiya, Ugata Iboya komuga yawita agiyo tagiyo kipa maiya dana mee ganeka komugata agiyo Yesus ebiya-ebiya kipa maiya dana yoka ka epa wado ka agiyoudo ebiya-ebiya tita agiyoudo kipa maiya, kouko miga Kobe ko tenetai.

INIYAKA UGATA IBO KIKE EPA WADO BAGEPA MAIYA MAKIDAPA KA BAGE PA MAIYA INIYAKA INITAI.

#meemanagimo, #PBSM, #MMG, #Mee, #Meeuwodide, #Meeuwo,