PATUNG KOUKO MIGAKOBE KO TETAI UGATA IBO KIDI TO MIGA KOBE NETAI

 

Agusrinus Muyapa, ya wegapi;

“Dabaga Naki Miyo negaagou, dimi ma mana ma Iyepiye maida make”

Mee Gane ka komugata patung kouko migakobe ko tetai, kouko okai tumana agiyo ma tekowamake kouya, patung kouko ini yaka bida agiyo ko beu koyoka, gereja pa maki, mee ka owapa maki, mee maida maki yake tete kouko temakiyake emigai to tai, okai kou patung kouya ini yaka Ugata Ibo kidi maa...egai dimi Kodo beu kiyake ini uwouye makiye ka bage Kodo ini utoma peu duba bogino tiyake ito kou nago kou maiya tope koyoka.

Patung makita owapa enaida bage ko daki tetimake, okei yaka dou ko yakita owa ma, WC owa ma ena dani, patung makita owapa kouko Ugata Ibo kidi migakobe etetai ko beu patung Kodo migakobe etetai bage ka owa, kouko gereja pa kitouyogo maiya mee umetai owapa kitouyogo maiya.

Ini uwouye makiye bage ka Ini yaka Ugata Ibo kidi ki epa maki, aagiyo taagiyo, mee tuma-tumaiya, iya bage bokata nikomugayawi dana ebeyo yago ebeyo yago beu nikomugayawi tita ka kike ini yaka Ugata Ibo e bida te bida bokouto, Ayi bokouto, makodo bokouto, iya bokouto yago ibo kidi. Mee peka ka edou beu tete ka kike ini yaka Ugata Ibo kidi kiyoka okai to migakobe netetai, uwouye makiye ka mee tuma-tumaiya ini utoma kodo. Yoko motipi ki; Agus G. Mote, -MMG (Mee Mana Gimo)

Kuuga na Amokebai; #mee, #meeuwo, #Meeuwodide, #meemanagimo, #patatikamana. www. meemanagimo. blogspot. com