DEGE BAGE KA MANA GIMO MA IYO WOYA BAGE KA MANA GIMO MAIYA, EYUWAI NA ENAA TE EYUWAINA ENA

 

Aki gai-gai dimi mana kodo; Agustinus Muyapa ya ugapi)*

Papua makida kouya Dege bage mei dana iyo woya bage me tiyake ko, ini Papua ka Iyo Pini bagepa Peu ka iye piyeido Kodo nitopi makiyake ini Peu duba bogi nitiyawiyake ito kou maiya ini Peu duba koda tope, kou ko:

1. Ini Papua Iyo Pini bage ka Ugata Ibo kidi migakobe etetai dimi Kodo

ma diyo douya mana diyo dotai Kodo ma beu niyawiyake , dege

bage ka dana Iyo woya bage ka ganeka komugata agiyo kouko

. Ini Papua iyo Pini bage ka bida agiyo dana Ugata Ibo kidi buka

nitiyawita kouya.

2. Utopa migakobe tetai bage newita, tiyake ito kou maiya ini Papua Ka Iyo Pini bage utopa migakobe tete tope.

3. Mee wagi mana nitopi makiyake ,ito ko ini mee wagetai bage kiyake Tope

4. Mogai tai, Oma muti,puya mana wegai, manaido nitopiakiyake ini ito Kou maiya Peu Kodo to keite wado tete ito kou nago kou maiya Peu Kodo to keitete tope.

5. Papua maki yoni mana kou maiya Dege bage ma Iyo woya bage ma

Enaimo tiyawiyake beu niyaubayake te wado to tete

Koudo kouko Tegee kiya Peu ka Iyo Kodo Papua makida kouya Dege bageka maiya Iyo woya bage ka maiya Iyo weyawiyake ko Uta goyake ini Papua Iyo Pini bage kou Peu ka uta Kodo duyake nowo tete Ki Kade kou kakade temiyo tete ito kou maiya tope.

Papua ka Iyo Pini bage yuwega kipa ko tegee kiya Peu ka Iyo kouko epa ma gadl mani ma epepitete Kodo epa yabadiyawiyake, Papua ka Iyo pini bage ko yuwega kipa ko : ini yaka dimi puki kegepa puki koda ini yaka intai UGATA IBO kidi to migakobe netai ma , intai Ugata Ibo kida diyo douya mana Kodo diyo dou ma to netetai.

Papua maki kou ma ,ini Papua ka Iyo Pini bage ma ini utoma yimu beu awiyake intai ugata Ibo kida Papua bagepa niyatogiyawita mana Kodo koyaidaiga yim beu daiga koya kidi nedoutou.

PAPUA KA IYO PINI BAGE , MEUWODIDE KA KOTEKA MOGE YAGO BAGE DOU ,EBATAI TAIPIGA BAGE KO ENA KIPA KO WO NEKEITAI PEU KIPA KO YAMO YAIKAI.

Yoko motipi ki; Agus G. Moye – MMG (Mee Mana Gimo)

Kuuga na amokebai : #mee, #Meeuwo, #meeuwodide, #Patatikamana

www. meemanagimo. blogspot. com