Agustinus Miyapa, ya ugapi.
Wiwitida ka bageiya ini utoma kodo Ugata Ibo kidi
eyaikiyake, ini utoma kodo tegee kidi to migakobe etege kouko, tegee kiya inepa
ena keitita ma dana teege kiya, okaiya komugayawita agiyoudo ko kawoka Kou
yadoyake ini utoma kodo okai to migakobe etegeno.
Ito ko wiwitida koyoka Kou ka iye kouko teyaikaipage no Bodiyaunu
kodo ini maida tawanidoke koyoka.
Ini mee kouko initai Ugata Ibo kida mee dimi yago bage kodo
nikomugayawita, kodoya wiwitida Nago ko dodi ma ekina ma, ka dimi to gayake peu
keitaine dimi to Kouna ini mee tuma-tumaiya Kou ipa umina. Ugata Ibo epa ma maki ma, a giyo tagiyo dana
ini mee tuma-tumaiya nikomugayawita kidiki beu puga etiyake tegee, tumana agiyo
ma komugai beu ka kidi me ini migakobe etete Kou.
Ini mee kouko Ugata Ibo kida dimi, mana kodo nimiyawita bage
kodo, koyoka dimi mana epepite negamakai, beukai peu.
Ini kouko, mee kouko mee, kodoya peu kodo ko yakimakiyake
touto kipako ,mee ko beu teege kidi ipuwe bage kida. Kouya wegape. Yoko motipi ki; Agus G. Mote, -MMG (Mee Mana
Gimo)
Kuuga na Amokebai; #mee, #meeuwo, #Meeuwodide, #meemanagimo,
#patatikamana. www.meemanagimo.blogspot.com
.png)
.png)
.png)
.png)
.png)
.png)
0 Komentar