MEEUWO KOUYA KABO KO “DIYOU DOU” IYEPIYE KODO KABO AWII UMIITOU DOBA

I.M; ya ugapi

“Enaa ko Enaa, Peu ko Peu”

Meeuwo Kouya Kabo Ko diyo Doya mana kou, okaikouya koi ta uweete doba Diyo dou beukai peu :

1. Maki Yoni mana doba uwiyake kotu duba Kouya amoo kipe doyou dou :

a. Oma diyo dou

b. Mogai diyo dou

c. Peka-peka diyo dou

d. Kego awi diyo dou

e. Penaamoni emogou diyo dou

f. Uneune uwo nai pinan nai diyo dou

g. Tuba meno awii akaadimene diyo dou

h. Yame yagamo ka ugu enaidaa ugu pupukai diyo dou

i. Yame yagamo ka muugibi yame gou yagamo gou diyo dou

j. Iye ko enadani ko tetiyawi; Akiya iye ma okei ya iyemako, Akiya owapa ma okeiya owapa otouwine ki yapei okaiya iye keitetai, Akiya maki okogo ma meinoka maki okogoma ko egadou okeiya keitetai tiga

Maki Yoni mana wegaate kotudo kouko kou Wado ugapa kou mana kou dokiyawi.

Daana kou wado ugapa kou ekowaate maki mana wegaate duba Kouya amo kida tete ka okaiya kei Tete Kodo biineteidaka maki mana wegata Puga, Ayi mana yuwita Puga, ena mana wegata Puga tetei do kei inii edoote naka.

Magiyoka edoyake Tete. akiki ugatame ipuwe ikima enaimo aka gadime kitaine kodoya peu awipakaa enano Kiino do waneti yame kidino yagamo kodono mana nitete kodoko yuwi beu ma gai beu ma teete.

Inii ya umii tou doba iyepiye peu wegeteega kou inii doote, kou manaido kou inii meena-meena doba gaamai umina koda gaipeu.

Yoko motipi ki : Agus G. Mote,

Kuuga na amokebai : #meemanagimo, #meeuwo, #Meeuwodide, #mee, #Patatikamana, www. meemanagimo. blogspot .com