DAA TITA MANAIDO PIYO-PIYO TEETE IYEIDA

 

Ipou Igon, ya ugapi

Tegee douya manaido ewaa :

 

Daa manaa piyoo kegaa

Daa agiyo piyoo kegaa

Daa okogo wegee tegaa

Buguwa totai eniya owaa duba

Adaida ka eniya uwopa

Uwopa ka eniya adaida

 

Yoka agiyo yago, Ibo agiyo yago

Yame agiyo yago, yagamo agiyo yago

Ibo-yoka ede pede yago

 

Yameka iye yaga duba

Yagamoka iyee yame duba

Iboka iyee yoka duba

Yokaka iye ibo duba

 

Atouyo-wadouyo kega

Iniya gaiko enaa nako tope puga

Iniimaka keitege gaate kodoya

Iya mana motiima beu kiyoka

 

Kiida-kouda uwidoo tipena

Kiida-kidaato dakii tigo yamake

Wegaiya manaa keike

Uti, piya, ege, mogo bukaa

Toopuu to tenegi kiyoka

 

Ikiyaa umiiita nakito ipa kigaga

Ogaipaka iyee topegaka maa gaage kodoya

woutoko kawanitouta nakaa

Yamee kaipiga gaapena beuka

 

Manato keike puya danika

Aki-kidi, aki-kodo gaataiii

Enaa keitai maiya, peu keitai maya

 

Didibeu kodoya

Ibo yamee woo bokaii

Ibo yagamo bokai, yoka bokai

 

Tawa enaimo anoge nakaa puga

Nota enaimo anoge nakaa puga

Enaimo atoge nakaa puga tiyake,

 

Ukaka poto-poto

Naaka poto-poto

Akoge poto-poto

Akaitayoka poto-poto

 

Maakodoka kanote eniyako toyake kodoya

Akato bokee mainitako toyake kodoya

Okaikou danii, matokatoko yamo tedopeko

Idiima kotoudaigato meyaakaa

 

Kowakei, tika aiya-muumaka

Peu keitita kou nii pitoketaii

Kagipaima, mee putuh beuda peukiyaaka

 

Akina tou, okaina touu

Idiima toyake enaa kiyaaka

Idima toyake ibo mana duwaii

 

Mee kabo, mege kabo

wadoo Keitai-ekowai tiya ka

Makimanaa kou maiya

 

Kowakeii, kagipaimaa...

Matokato yamo needotae

Tika peu keititakouu

 

Yoko Motipi ki : Agus G. Mote, MMG – Mee Mana Gimo

Kiiga na amokebai : #mee #meeuwo #Meeuwodide #meemanagimo #Patatikamana

www. meemanagimo. blogspot. com